Временска прогноза во градот Харков

Харков (украински: Ха́рків; руски: Харьков) е најголем град во источна Украина и втор по големина град во земјата. Градот е административен центар на истоимената област и претставува главен научен, индустриски и студентски центар во Украина.. Во време на СССР, градот бил најголем центар за производство на тенкови, трактори и турбини и трет најголем индустриски, научен и превозен центар после Москва и Санкт-Петербург Во втората половина на XX век, Харков бил главен превозен јазол во југоисточна Европа..

Современиот град е основан во внатрешноста на ѕидините од древнорускиот град-тврдина „Харков“ околу 1654 година, а понекогаш се поистоветува со половецкиот град од XI век „Шарукан“ или со хунскиот град од V век „Харка“. Градот се стекнал со Магдебуршко право во 1787 година. Во периодот од февруари до мај 1918, Харков бил главен град на Доњецко-Криворошката Советска Република, од март до апрел истата година на Украинската Советска Република, а од март до јуни 1919 и од декември 1919 до јуни 1934 година и прв главен град на Украинска ССР. Денес, градот зазема централно место во истоимената област и во него живеат 1.449.358 жители.

Во Харков се сместени 142 научно-истражувачки институти; 45 високообразовни институции, вклучувајќи го и Харковскиот универзитет (основан во 1805 година како шести најстар универзитет во Руската Империја) и Харковскиот политехнички институт (основан во 1885 година како втора најстара политехничка високообразовна инситутција во Руската Империја), во коишто се образуваат 230 илјади студенти;; 16 музеи; градска ликовна галерија; 6 државни театри и 80 библиотеки.

Низ својата историја, градот бил одликуван со Лениновиот орден (4 декември 1970) и Орденот на Октомвриската револуција (23 август 1983), а исто така и со награда доделана од Советот на Европа (29 април 2010).

Како орган на локалната самоуправа се јавува Харковскиот градски совет.

Во 2012 година, градот бил еден од четирите украински градови во коишто се одиграле натпревари во рамки на Европското првенство во фудбал 2012.